لماذا منتجات شركة ابل عالية في السعر

لماذا منتجات شركة ابل عالية في السعر

لماذا منتجات شركة ابل عالية في السعر

طيب الموضوع دا انا كنت اتكلمت عيله قبل كدا ولكن بعد نزول شاشه ابل ال Pro Display XDR وانبهار الناس بإن الشاشه فيها
576 Local Dimming Zones
دا غير ان ابل قالت فى المؤتمر نصاً
We have designed a backlight system like none other in the world!
و اللى هو اصلا كلام مش حقيقي
ف كان لازم اتكلم عن الموضوع دا مره تاني .. عشان بس ندي كل حاجه حقها ..
---
* تنويه فى البدايه .. البوست دا تكنيكال اكتر من اللازم .. فلو فيه حاجه مش واضحه دا عادى جدا .. اسألنى عليها فى التعليقات وهحاول اوصلها بشكل افضل من البوست ..
اه وكمان فيه صور فى التعليقات موجود فيها امثله للحاجات اللى اتكلمت عليها عشان الموضوع يكون واضح اكتر
---
طيب خلينى ابدأ .. فى اول سنة 2019 فيه مؤتمر اسمه CES بيتعمل فى امريكا ..
شركه اسمها Hisense بتاعة تليفيزيونات "موجوده فى مصر هنا وفيه ناس عارفاها"
المهم الشركه دى اعلنت عن شاشات بتشتغل بشكل مختلف شويه عن اى شاشه موجوده فى السوق .. و الشاشات دى اسمها ULED .. متتلخبطش بينها و بين ال OLED لان مبدأ العمل بتاعهم مختلف تماما ..
المهم يعنى قبل ما اكمل محتاج اوضح الأول كام مصطلح هستخدمهم عشان تكون فاهمهم وأقدر اوصلك بعدها المعلومه بشكل سهل
1- المصطلح الأول هو الـ Light bleeding او تسرب الضوء
أى شاشه فى الكون (الا ال OLED) بتتكون من جزئين .. الجزء الأول ودا بيكون فى المقدمه و هو اللى انت بتشوفه، ودا المسؤول عن فلترة الضوء بألوان مختلفه عشان يكونلك الصوره اللى بتشوفها .. الجزء دا هو اللى بيكون موجود فيه ال بيكسلات اللى انت عارفها
اما الجزء التانى وهو ال Back Light او اضائة الخلفيه و دا بيكون خلف الجزء الاول وبيتكون من لمض LED صغيره بتغطى كامل مساحة الشاشه .. وكل اللى بيعمله انه بيطلع ضوء بشكل مستمر، الضوء دا لما بيعدى على الجزء الأول بيتفلتر بألوان مختلفه بتظهر فى مناطق مختلفه على الشاشه "البكسلات" وتكونلك الصوره اللى بتشوفها
المشكله هنا ان لو الشاشه عاوزه تعرض لون اسود فى جزء من الصوره .. كل اللى هتعلمه انها تدى امر لجزء الشاشه اللى قدام "اللى فيه البيكسلات" بإن البيكسلات اللى فى المكان دا متعديش الضوء اللى جاى من وراها .. والمشكله هنا ان مهما كانت قوة تعتيم البيكسلات دى الا ان فيه قدر صغير من الإضاءة اللى جايه من وراها بيتسرب .. و دا اللى بيتقال عاليه Light bleeding او تسرب الإضاءة
2- المصطلح التانى هو الـ Local Dimming مينفعش يترجم ترجمه حرفيه ولكن تقدر تقول انه "التعتيم المتنقل"
ودى خاصيه ابتكرتها الشركات اللى بتصنع التليفيزيونات عشان تحل مشكله ال Light bleeding اللى شرحتها فوق ..
الشركات لما فكرت قالت طيب ليه احنا منحاولش اننا نخلى الـ "Back Light" او اضاءه الخلفيه دى تنور فى مناطق مختلفه على حسب الصورة اللى بتتعرض بدل ما هى منوره كلها فى نفس الوقت؟!
بمعنى اننا نخلى اللمبات ال LED اللى فى Back Light اللى عادة بتتكون من عدد صغير من ال LEDs "واللى غالبا بيكون فى حدود 80 لمبة متوزعه على كامل مساحة الشاشة"
ليه منخليش لمبات ال LED دى تنور وتقفل على حسب الجزء الى ظاهر قدامها فى الشاشه .. لو الجزء دا كان بيمثل حاجه المفروض انها فاتحه زى السماء الصبح مثلا ف لمض ال LED اللى وراها تشتغل ولو حاجه غامقة زى السماء بليل  لمض ال LED اللى وراها تقفل وهكذا...
فكره صايعه صح؟ 
المهم .. الفكره كانت حلوه ونزلت فى تليفيزيونات كتير ولكن كان ليها مشكله وهى ان اى حاجه فاتحه بتتعرض على خلفيه غامقه او على جزئ صغير من الشاشه بيكون حواليها اشعاع او توهج من الضوء "Glow"
ودا راجع لسبب واحد وهو ان كثافة لمض ال LED اللى موجوده فى ال Backlight مش بتعادل كثافة البيكسلات اللى موجوده فى الشاشه قدامها "هبسطهالك"
لو عندنا شاشه Full HD بوضوح 1920*1080 يعنى فيها تقريبا 2 مليون بيكسل .. ال Backlight اللى فيها بتتكون من 80 لمبه LED مثلا وبطبيعة كثافة عدد اللمبات ال LED الأقل هتلاقى ان كل واحده منهم مسئوله تقريبا عن اضاءة 25 الف بيكسل قدامها .. مش شرط يكون ال 25 الف دول كلهم مطلوب اضائتهم بالشكل دا عشان يقدموا صورة بدرجات لون اسود حقيقيه، وبالتالى بيظهر اشعاع من الضوء حوالين الأجزاء الفاتحه فى الصوره، وعموما الموضوع دا متعارف عليه وموجود فى كل انواع الشاشات "الا ال OLED"
3- المصطلح الثالث هو ال Local Dimming Zone ..
عشان الشركات تعرف تخلى التليفزيون يحلل الصوره اللى هتتعرض عليه وتخليه ينور لمض ليد معينه على كل فريم من الفيديو اللى بيتعرض .. شركات التليفيزونات كانت محتاجه انها تبرمج خوارزميه تخلى التليفيزون يحلل كل فريم هيعرضه ويقرر ينور انهى لمض لكل فريم .. المشكله هنا ان لو التلفزيون هيتحكم فى كل لمبه لوحدها ف مقدار المعالجه اللى المفروض هيعملها هيببقى كبير .. دا غير تكلفه تطوير الخوارزميه اللى هتخلى التليفزيون يعمل دا اصلا ..
ف الشركات هنا قالتلك انا هقسم لمض ال LED اللى فى ال Back Light لأقسام واتحكم فيهم مع بعض .. ف مثلا ممكن اقسم ال 80 لمبه اللى بتوع ال Back Light لأربع اقسام ودا نقدر نقول عليه ان التلفزيون دا فيه 4 مناطق Local Dimming Zones .. ولو الشركه قسمت اللمض ل 8 اقسام كدا الجهاز هيكون فيه 8 مناطق Local Dimming Zones وهكذا
خلاصة الكلام اللى فوق .. ان الشركات ابتكرت الـ Local Dimming اللى بيتقسم لمناطق Zones التلفزيون بيتحكم فيها بشكل منفصل عشان يقلل مشكلة الـ Light bleeding بأكبر قدر ممكن .. ويقلل كمان من ال Glow اللى بيظهر حوالين العناصر الفاتحه اللى بتتعرض على خلفية غامقة
انت لو فهمت الكلام اللى فوق دا ف انت جامد جدا جدا والله  👌
----
خلينا بقى نشوف اللى عملته Hisense عشان تطور الـ Local Dimming وتتلافى مشكلة ال "Glow" وبعدها نرجع لإفتكاسات أبل ..
اللى عملته Hisense فى الحقيقه هو حل بسيط بس صايع جدا 
ببساطه الشركه جت بين الجزئين اللى اتكلمت عليهم فوق دول اللى هما ال Backlight و الجزء التانى اللى فيه البيكسلات، جت وسطهم و حطت شاشة كمان!
- ايه الهبل دا خياط ايه لازمتها يعنى ؟!
اصبر بس
مثلا التليفيزيون اللى عرضتة الشركه فى CES اللى بدقة 4K .. هايسنس حطت شاشة 1080p زياده فى النص بين ال Backlight وبين البانل اللى فيها البيكسلات ..
الشاشة اللى فى النص دى بقى Gray Scale بس .. بمعنى اصح الشاشه دى ابيض واسود فقط .. وعشان اوضحلك طريقة عملها ازاى خلينى اقول مثال
- لو الصورة المعروضه هى صورة القمر فى نص الشاشه والسماء سوداء تماما ..
اللى هيحصل ان تليفيزيون هيدى امر لل Backlight انها تنور لمض ال LED اللى ورا القمر والضوء هيطلع من ال Backlight هيعدى على الشاشة ال Gray Scale الأول .. الشاشه دى بردو هى بيكسلات .. ف التليفيزيون هيدى امر للبيكسلات اللى قدام الجزء اللى المفروض فاتح فى الصوره "القمر" انها تعدى الضوء عادى و تدى امر للبيكسلات الباقيه انها "تعتم" وبالتالى تمنع الإضاءة انها تعدى منها
وبالتالى هيبقى الجزء او المرحلة الأخيره فى الشاشه اللى فيه البيكسلات هيوصلها اضائة فى مكان عرض القمر بس وبالتالى البيكسلات اللى مكان القمر هتمرر الضوء بفلتر الألوان المطابق للصوره وفى نفس الوقت باقى البيكسلات التانيه مقفوله وبتمع الضوء من المرور .. اللى فى الحقيقه هو تقريبا مش موجود بسبب ان الشاشه ال Gray scale اللى فى النص منعتة كله تقريبا ...
بمعنى اصح كدا لما الشاشه هتعوز تعرض جزء اسود .. بدل ما كان الضوء بيمر على الجزء اللى فيه البيكسلات بس .. دلوقتى هيمر على جزء تانى بالأبيض و الأسود .. هيفلتر الإضاءة اللى جايه من ال Backlight ويطلعلك الإضاءه فى الأماكن اللى التليفيزيون عاوز يوصلها اضاءه بس !
ف كدا بقى فيه شاشتين بيحاولوا يعتموا البيكسلات اللى المفروض تمثل اللون الأسود وبالتالى الشاشه هتقدملك درجات تباين اكتر بكتير ومن غير Glow حوالين الأجزاء المضيئة لان كثافة ال Backlight مع الشاشه ال Gray scale بقت 1080p .. يعنى 2 ميلون بيكسل او بمعنى اصح 2 ميلون Local Dimming Zones
مسؤولين عن اضاءة ال 8 مليون بيكسل اللى فى البانل الأساسيه ال 4K بنسبة كثافه 4:1 .. يعنى كل بيكسل فى الشاشه ال Gray scale مسئول عن اضاءة 4 بيكسل فى بانل الشاشه الأساسية ..
ودا بدل ما كانت كل لمبة LED فى ال Backlight مسئوله عن اضائة 25 الف بيكسل قدامها زى ما وضحت فوق ... وبناءا ََ على الأرقام دى تقدر تقول ان التحسن فى جودة ال Local Dimming كدا زاد اكتر من 6000 مره!! .. وبالتالى الشاشه هتقدملك لون اسود مقارب جدا للى موجود فى الشاشات ال OLED ولكن بتكلفه اقل منها خصوصا لو الفكره دى شوفناها مع براندات تانيه
حاجه Mind Blowing مش كدا ؟
خد تعالا بس راح فين .. تعالا نرجع لأبل بقي
أولا مفيش خلاف على ان شاشة ابل Pro Display XDR بتقدم Value عظيمه جدا بغض النظر عن السعر .. ومفيش اختلاف بردو ان الشاشه موجهه لفئة معينه من الناس اللى شغالة فى ال Content creation.. اللى السعر دا بالنسبالهم مناسب للقيمه اللى بياخدوها من الشاشه ..
ف انا هنا مش بتكلم على الشاشه بشكل عام ... انا هنا بتكلم بس عن عدد ال Local Dimming Zones ..
فى مؤتمر ابل اللى اعلنت فيه عن الماك الجديد والشاشه قالوا بالنص ان ال Back Light System اللى فى الشاشه مفيش شركه تانى فى العالم عملته! .. تمام اوك بس تعالا ندور ورا الكلمة دى ..
1- فى المؤتمر قالوا ان ال Back Light بتتكون من عدد كبير من ال LEDs .. بس هل استخدام اللمض فى ال Back Light حاجه جديده .. اكيد لأ دا كل الشاشات كدا اصلا "ماعدا ال OLED"
2- على موقع أبل مكتوب ان الشاشه فيها 576 Local Dimming Zone ..
ف هنا بقى الناس قالت واو بقى وعاش يا أبل وياسلام على الابداع وبتاع
والحقيقه هو ممكن يكون واو فعلا .. لو تم مقارنة شاشة أبل مع التليفيزونات اللى بتقدم بالكتير 192 منطقه لل Local Dimming في الفئات العاليه ..
ولكن لو قارنتها مع التقنية اللى أعلنت عنها هايسينس اللى عمليا بتقدم 2 مليون منطقه تعتيم Dimming Zone هتلاقى ان الموضوع ميستحقش الذكر أصلا ... وان البراند هنا بيكون ليه عامل كبير فى مبالغة الناس لإ1عجابها او حبها ليه .. وانتوا اكيد فاهمنى كويس ..
تخيلوا ان التقنيه اللى اعلنت عنها هايسينس دى اللى بقالها سنه ولسه محدش عرفها كان وضعها هيكون عامل ازاى لو كانت ابل اللى اعلنت عنها فى شاشتها ؟!
الغرض من البوست هنا مش اثبات ان ابل Over rated او ان الشركه مش بتقدم تكنلوجيا جديده ..
ابل بتعرف تلعب بشكل صايع جدا على احتياجات المستخدمين .. ولكن اللى بيضايقني هو الانسياق الأعمي لبعض مستخدمين أبل وراء اى حاجه بتعملها الشركه لمجرد ان دى ابل وخلاص .. لأ معلش .. انت كدا محتاج تقرأ كويس وتفهم وتدور عشان تدي كل شركه حقها ..
لان فى النهايه فيه فرق كبير بين ال Apple Fan Boy وبين ال Apple User ..

تعليقات

المشاركات الشائعة من هذه المدونة

اسعار موبايلات انفنكس infinix ابريل 2020

اسعار موبايلات شاومي في مصر

سعر و مواصفات Xiaomi Mi Note 10 _ مميزات وعيوب شاومي مي نوت 10